Ալեքսանդր Գրիբոյեդովի արձանը Երևանում

1827թ․ Երևանի հայկական բերդը ազատագրվեց պարսիկներից Ռուսաստանյան կայսրեական զորքերի կողմից գեներալ Իվան Պասկևիչի հրամանատարությամբ, որի համար վերջինս ստացավ կոմս Էրիվանսկի տիտղոսը։ Ալեքսնադր Գրիբոյեդովը Պասկևիչի բանակի դիվանագիտական բաժնի ղեկավարն էր։ Նա մասնակցել էր Նախիջևանի, Սարդարաբատի և Երևանի ազատագրմանը։ Կայսր Նիկոլայ I պարգևատրել էր Ալեքսնադր Սերգեևիչին «Երևանի գրավման համար» («За взятие Эривани») մեդալով։ Շուտով, Երևանի բերդի պաշարումից և գրավումից հետո, սարդարի պալատի Հայելազարդ դահլիճում, որը Երևանի բերդի տարածքում էր, տեղի ունեցավ «Խելքից պատուհասը» կատարկերգության առաջնախաղը ռուսական բանակի զինվորների կատարմամբ։

Ներկայացումը միակն էր, որին ներկա էր հեղինակը՝ Ալեքսանդր Գրիբոյդեովը։ Նա նաև Թուրքմենչայի պայամանգրի տեքստի հեղինակն էր, որը ստորագրվել էր Ռուսաստանի և Իրանի միջև 1828թ․ փետրվարին։ Ռազմական գործողությունների ավարտից հետո Թուրքմենչայի հաշտության պայամանգրի կնքման ժամանակ Գրիբոյեդովը հասնում է հայերի հայրենադարձության թույլտվությանը։ Նրա օգնությամբ հայրենիք կարողացավ վերադառնալ 40 000 մարդ։ Պասկևիչը, հաշտության պայմանագրի կնքման հաշվետվություն ներկայացնելիս, բարձր է գնահատել Ալեքսանդր Գրիբոյեդովի դերը, ով նպաստել էր, որ Թեհրանը ստանձնի ռազմատուգանքի վճարման պարտավորությունները։ Հենց Գրիբոյեդովը հասցրեց Պետերբուրգ հաշտության կնքման մասին հաղորդումը, որից հետո նշանակվեց Ռուսաստանի նախարար-ռեզիդենտ (դեսպան) Պարսկաստանում։

1829թ․ փետրվարի 11-ին Թեհրանում Ռուսաստանի առաքելության տարածքում  Ալեքսանդր Գրիբոյեդովը սպանվեց մոլեռանդ հավատացյալների ամբոխի կողմից։

Երևանում ի պատիվ ականավոր դիվանագետի և գրողի անվանակոչվել են փողոց և դպրոց, իսկ Ռուս-հայկական համալսարանի բակում կանգնեցված է Գրիբոյդեովի կիսանդրին։